ਵਿੱਕੀ ਕੌਸ਼ਲ ਨੇ ਰਿਤੇਸ਼ ਦੇਸ਼ਮੁਖ ਨਾਲ ਕੀਤੀ ਖਾਸ ਮੁਲਾਕਾਤ

ਮੈਡ੍ਰਿਡ : ਰੀਅਲ ਮੈਡ੍ਰਿਡ ਦੇ ਸਟਾਰ ਫਾਰਵਰਡ ਕਿਲੀਅਨ ਐਮਬਾਪੇ ਮਾਸਪੇਸ਼ੀਆਂ ਵਿੱਚ ਸੱਟ ਲੱਗਣ ਕਾਰਨ ਲਾ ਲੀਗਾ ਸੀਜ਼ਨ ਦੇ ਬਾਕੀ ਬਚੇ ਮੈਚਾਂ ਤੋਂ ਬਾਹਰ ਹੋ ਸਕਦੇ ਹਨ। ਕਲੱਬ ਨੇ ਪੁਸ਼ਟੀ ਕੀਤੀ ਹੈ ਕਿ ਸ਼ੁੱਕਰਵਾਰ ਰਾਤ ਨੂੰ ਰੀਅਲ ਬੈਟਿਸ ਵਿਰੁੱਧ ਖੇਡੇ ਗਏ ਮੈਚ ਦੌਰਾਨ, ਜੋ ਕਿ 1-1 ਨਾਲ ਡਰਾਅ ਰਿਹਾ, ਐਮਬਾਪੇ ਦੇ ਖੱਬੇ ਪੈਰ ਦੀ ਮਾਸਪੇਸ਼ੀ ਵਿੱਚ ਸੱਟ ਲੱਗੀ ਸੀ। ਇਸ ਸੱਟ ਕਾਰਨ ਉਨ੍ਹਾਂ ਨੂੰ ਮੈਚ ਖਤਮ ਹੋਣ ਤੋਂ 10 ਮਿੰਟ ਪਹਿਲਾਂ ਮੈਦਾਨ ਛੱਡਣਾ ਪਿਆ ਸੀ।

ਐਲ ਕਲਾਸਿਕੋ ਸਮੇਤ ਕਈ ਅਹਿਮ ਮੈਚਾਂ ਤੋਂ ਰਹਿਣਗੇ ਦੂਰ
ਐਮਬਾਪੇ ਦੀ ਇਹ ਸੱਟ ਟੀਮ ਲਈ ਬਹੁਤ ਮਹਿੰਗੀ ਸਾਬਤ ਹੋ ਸਕਦੀ ਹੈ ਕਿਉਂਕਿ ਉਹ ਹੁਣ 10 ਮਈ ਨੂੰ ਐਫਸੀ ਬਾਰਸੀਲੋਨਾ ਵਿਰੁੱਧ ਹੋਣ ਵਾਲੇ ਵੱਡੇ ਮੁਕਾਬਲੇ ਸਮੇਤ ਸੀਜ਼ਨ ਦੇ ਆਖਰੀ ਪੰਜ ਮੈਚ ਨਹੀਂ ਖੇਡ ਸਕਣਗੇ। ਰੀਅਲ ਬੈਟਿਸ ਵਿਰੁੱਧ ਡਰਾਅ ਹੋਏ ਮੈਚ ਅਤੇ ਐਮਬਾਪੇ ਦੇ ਬਾਹਰ ਹੋਣ ਨਾਲ ਰੀਅਲ ਮੈਡ੍ਰਿਡ ਦੀ ਇਸ ਸੀਜ਼ਨ ਦਾ ਖਿਤਾਬ ਜਿੱਤਣ ਦੀ ਉਮੀਦ ਲਗਭਗ ਖਤਮ ਹੁੰਦੀ ਨਜ਼ਰ ਆ ਰਹੀ ਹੈ।

ਕਦੋਂ ਹੋਵੇਗੀ ਵਾਪਸੀ?
ਰੀਅਲ ਮੈਡ੍ਰਿਡ ਦੀ ਅਧਿਕਾਰਤ ਵੈੱਬਸਾਈਟ ਅਨੁਸਾਰ ਐਮਬਾਪੇ ਦੇ ਖੱਬੇ ਪੈਰ ਦੀ 'ਸੇਮੀਟੈਂਡੀਨੋਸਸ' ਮਾਸਪੇਸ਼ੀ ਵਿੱਚ ਸੱਟ ਪਾਈ ਗਈ ਹੈ। ਹਾਲਾਂਕਿ ਕਲੱਬ ਨੇ ਉਨ੍ਹਾਂ ਦੀ ਵਾਪਸੀ ਦੀ ਕੋਈ ਨਿਸ਼ਚਿਤ ਤਾਰੀਖ ਨਹੀਂ ਦੱਸੀ ਹੈ ਅਤੇ ਕਿਹਾ ਹੈ ਕਿ ਉਹ ਖਿਡਾਰੀ ਦੀ ਸਿਹਤ ਵਿੱਚ ਹੋਣ ਵਾਲੇ ਸੁਧਾਰ ਦਾ ਇੰਤਜ਼ਾਰ ਕਰ ਰਹੇ ਹਨ। ਐਮਬਾਪੇ ਨੇ ਇਸ ਸੀਜ਼ਨ ਵਿੱਚ ਹੁਣ ਤੱਕ ਲਾ ਲੀਗਾ ਵਿੱਚ 24 ਗੋਲ ਕੀਤੇ ਹਨ।

ਵਿਸ਼ਵ ਕੱਪ ਲਈ ਵਧੀ ਚਿੰਤਾ
ਇਸ ਸੱਟ ਨੇ ਨਾ ਸਿਰਫ਼ ਰੀਅਲ ਮੈਡ੍ਰਿਡ ਬਲਕਿ ਫਰਾਂਸ ਦੀ ਰਾਸ਼ਟਰੀ ਟੀਮ ਦੀ ਵੀ ਚਿੰਤਾ ਵਧਾ ਦਿੱਤੀ ਹੈ। ਇਸ ਸਾਲ 11 ਜੂਨ ਤੋਂ ਵਿਸ਼ਵ ਕੱਪ ਸ਼ੁਰੂ ਹੋਣ ਜਾ ਰਿਹਾ ਹੈ ਅਤੇ ਫਰਾਂਸ ਦੀ ਟੀਮ ਵਿੱਚ ਐਮਬਾਪੇ ਦੀ ਭੂਮਿਕਾ ਬੇਹੱਦ ਅਹਿਮ ਮੰਨੀ ਜਾਂਦੀ ਹੈ। ਹੁਣ ਸਭ ਦੀਆਂ ਨਜ਼ਰਾਂ ਇਸ ਗੱਲ 'ਤੇ ਹਨ ਕਿ ਉਹ ਵਿਸ਼ਵ ਕੱਪ ਦੇ ਸ਼ੁਰੂ ਹੋਣ ਤੱਕ ਪੂਰੀ ਤਰ੍ਹਾਂ ਫਿੱਟ ਹੋ ਪਾਉਂਦੇ ਹਨ ਜਾਂ ਨਹੀਂ।

ਮੁੰਬਈ (ਏਜੰਸੀ)- ਬਾਲੀਵੁੱਡ ਅਦਾਕਾਰ ਵਿੱਕੀ ਕੌਸ਼ਲ ਨੇ ਰਿਤੇਸ਼ ਦੇਸ਼ਮੁਖ ਨਾਲ ਖਾਸ ਮੁਲਾਕਾਤ ਕੀਤੀ ਹੈ। ਜੀਓ ਸਟੂਡੀਓਜ਼ ਅਤੇ ਮੁੰਬਈ ਫਿਲਮ ਕੰਪਨੀ ਦੀ ਫਿਲਮ 'ਰਾਜਾ ਸ਼ਿਵਾਜੀ' ਹੁਣ ਆਪਣੀ ਰਿਲੀਜ਼ ਦੇ ਬੇਹੱਦ ਕਰੀਬ ਹੈ। ਇਸ ਦੌਰਾਨ ਦਰਸ਼ਕਾਂ ਨੂੰ ਇਕ ਖਾਸ ਅਤੇ ਯਾਦਗਾਰ ਪਲ ਦੇਖਣ ਨੂੰ ਮਿਲਿਆ, ਜਦੋਂ 'ਛਾਵਾ' (ਸੰਭਾਜੀ ਮਹਾਰਾਜ) ਅਤੇ 'ਛਤਰਪਤੀ ਸ਼ਿਵਾਜੀ ਮਹਾਰਾਜ' ਇੱਕਠੇ ਨਜ਼ਰ ਆਏ। ਦੋਹਾਂ ਵਿਚਾਲੇ ਫਿਲਮ ਨੂੰ ਲੈ ਕੇ ਡੂੰਘੀ ਗੱਲਬਾਤ ਹੁੰਦੀ ਦਿਸੀ, ਜਿੱਥੇ ਰਿਤੇਸ਼ ਨੇ ਕਈ ਜ਼ਿੰਮੇਵਾਰੀਆਂ ਨੂੰ ਸੰਭਾਲਣ, ਹਿੰਦੀ ਅਤੇ ਮਰਾਠੀ ਫਿਲਮ ਇੰਡਸਟਰੀ ਦੇ ਮਜ਼ਬੂਤ ਕਲਾਕਾਰਾਂ ਨੂੰ ਇਕੱਠੇ ਲਿਆਉਣ ਅਤੇ ਇਕ ਦੋਭਾਸ਼ੀ ਫਿਲਮ ਦੀ ਸ਼ੂਟਿੰਗ ਦੇ ਤਜ਼ਰਬਿਆਂ ਦੇ ਬਾਰੇ ਖੁੱਲ੍ਹ ਕੇ ਗੱਲਬਾਤ ਕੀਤੀ।

ਉਥੇ ਹੀ ਵਿੱਕੀ ਕੌਸ਼ਲ ਨੇ ਵੀ ਰਿਤੇਸ਼ ਅਤੇ ਪੂਰੀ ਟੀਮ ਨੂੰ ਫਿਲਮ ਲਈ ਦਿਲ ਤੋਂ ਸ਼ੁਭਕਾਮਨਾਵਾਂ ਦਿੱਤੀਆਂ। ਮੇਕਰਸ ਨੇ ਉਨ੍ਹਾਂ ਦੀ ਇਸ ਮੁਲਾਕਾਤ ਦੀ ਇਕ ਝਲਕ ਸਾਂਝੀ ਕੀਤੀ ਹੈ, ਜਦੋਂਕਿ ਪੂਰੀ ਵੀਡੀਓ ਜਲਦ ਸਾਹਮਣੇ ਆਵੇਗੀ। ਇਸ ਫਿਲਮ ਵਿਚ ਹਿੰਦੀ ਅਤੇ ਮਰਾਠੀ ਸਿਨੇਮਾ ਦੇ ਕਈ ਵੱਡੇ ਕਲਾਕਾਰ ਇਕੱਠੇ ਨਜ਼ਰ ਆਉਣਗੇ, ਜਿਨ੍ਹਾਂ ਵਿਚ ਸੰਜੇ ਦੱਤ, ਅਭਿਸ਼ੇਕ ਬੱਚਨ, ਵਿਦਿਆ ਬਾਲਨ, ਮਹੇਸ਼ ਮਾਂਜਰੇਕਰ, ਸਚਿਨ ਖੇਡੇਕਰ, ਬੋਮਨ ਈਰਾਨੀ, ਭਾਗਿਆਸ਼੍ਰੀ, ਫਰਦੀਨ ਖਾਨ, ਜਤਿੰਦਰ ਜੋਸ਼ੀ, ਅਮੋਲ ਗੁਪਤੇ ਅਤੇ ਜੇਨੇਲੀਆ ਦੇਸ਼ਮੁਖ ਸ਼ਾਮਲ ਹਨ। ਫਿਲਮ ਦੀ ਕਮਾਨ ਖੁਦ ਰਿਤੇਸ਼ ਦੇ ਹੱਥਾਂ ਵਿੱਚ ਹੈ, ਜਿਨ੍ਹਾਂ ਨੇ ਇਸ ਨੂੰ ਲਿਖਿਆ, ਨਿਰਦੇਸ਼ਤ ਕੀਤਾ, ਨਿਰਮਾਣ ਕੀਤਾ ਅਤੇ ਅਭਿਨੈ ਵੀ ਕੀਤਾ ਹੈ। ਜੀਓ ਸਟੂਡੀਓਜ਼ ਦੁਆਰਾ ਪੇਸ਼ ਕੀਤੀ ਗਈ, "ਰਾਜਾ ਸ਼ਿਵਾਜੀ" ਮੁੰਬਈ ਫਿਲਮ ਕੰਪਨੀ ਦੇ ਬੈਨਰ ਹੇਠ ਬਣਾਈ ਗਈ ਹੈ ਅਤੇ ਜੋਤੀ ਦੇਸ਼ਪਾਂਡੇ ਅਤੇ ਜੇਨੇਲੀਆ ਦੇਸ਼ਮੁਖ ਦੁਆਰਾ ਨਿਰਮਿਤ ਹੈ। ਛਤਰਪਤੀ ਸ਼ਿਵਾਜੀ ਮਹਾਰਾਜ ਦੇ ਜੀਵਨ ਅਤੇ ਵਿਰਾਸਤ 'ਤੇ ਆਧਾਰਿਤ ਇਹ ਸ਼ਾਨਦਾਰ ਇਤਿਹਾਸਕ ਫਿਲਮ 1 ਮਈ, 2026 ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਮਰਾਠੀ ਅਤੇ ਹਿੰਦੀ ਵਿੱਚ ਰਿਲੀਜ਼ ਹੋਵੇਗੀ।