ਮੁੰਬਈ : ਨੈੱਟਫਲਿਕਸ ਨੇ ਆਪਣੀ ਆਉਣ ਵਾਲੀ ਕ੍ਰਾਈਮ-ਕਾਮੇਡੀ ਫਿਲਮ 'ਮਾਂ ਬਹਿਨ' ਦੀ ਰਿਲੀਜ਼ ਤਰੀਕ ਦਾ ਅਧਿਕਾਰਤ ਐਲਾਨ ਕਰ ਦਿੱਤਾ ਹੈ। ਇਸ ਫਿਲਮ ਵਿੱਚ ਦਿੱਗਜ ਅਦਾਕਾਰਾ ਮਾਧੁਰੀ ਦੀਕਸ਼ਿਤ, ਤ੍ਰਿਪਤੀ ਡਿਮਰੀ ਅਤੇ ਧਾਰਨਾ ਦੁਰਗਾ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੀਆਂ। ਇਹ ਫਿਲਮ 4 ਜੂਨ ਨੂੰ ਸਟ੍ਰੀਮਿੰਗ ਪਲੇਟਫਾਰਮ Netflix 'ਤੇ ਪ੍ਰਸਾਰਿਤ ਕੀਤੀ ਜਾਵੇਗੀ।
ਫਿਲਮ ਦੀ ਰਿਲੀਜ਼ ਮਿਤੀ ਦਾ ਐਲਾਨ ਮਾਧੁਰੀ ਦੀਕਸ਼ਿਤ ਦੇ ਜਨਮਦਿਨ ਦੇ ਖਾਸ ਮੌਕੇ 'ਤੇ ਕੀਤਾ ਗਿਆ ਹੈ। ਨੈੱਟਫਲਿਕਸ ਨੇ ਫਿਲਮ ਦੀ ਪਹਿਲੀ ਝਲਕ ਸਾਂਝੀ ਕੀਤੀ ਹੈ। ਸੋਸ਼ਲ ਮੀਡੀਆ ਪੋਸਟ ਵਿੱਚ ਕੈਪਸ਼ਨ ਦਿੱਤਾ ਗਿਆ, "ਧੱਕ-ਧੱਕ ਹੋ ਰਿਹਾ ਹੈ? ਤਰੀਕ ਨੋਟ ਕਰ ਲਓ। 4 ਜੂਨ ਨੂੰ Netflix 'ਤੇ ਰਿਲੀਜ਼ ਹੋ ਰਹੀ ਹੈ ਮਾਂ ਬਹਿਨ"।
ਸੁਰੇਸ਼ ਤ੍ਰਿਵੇਣੀ ਦੁਆਰਾ ਨਿਰਦੇਸ਼ਿਤ 'ਮਾਂ ਬਹਿਨ' ਇੱਕ ਅਜਿਹੀ ਮਾਂ-ਧੀਆਂ ਦੀ ਤਿਕੜੀ (ਰੇਖਾ, ਜਯਾ ਅਤੇ ਸੁਸ਼ਮਾ) ਦੀ ਕਹਾਣੀ ਹੈ, ਜਿਨ੍ਹਾਂ ਦੀ ਜ਼ਿੰਦਗੀ ਵਿੱਚ ਉਦੋਂ ਭੂਚਾਲ ਆ ਜਾਂਦਾ ਹੈ ਜਦੋਂ ਉਨ੍ਹਾਂ ਦੀ ਰਸੋਈ ਵਿੱਚ ਅਚਾਨਕ ਇੱਕ ਲਾਸ਼ ਮਿਲਦੀ ਹੈ। ਸੱਚਾਈ ਨੂੰ ਛੁਪਾਉਣ ਦੀ ਕੋਸ਼ਿਸ਼ ਵਿੱਚ ਇਹ ਪਰਿਵਾਰ ਝੂਠ, ਘਬਰਾਹਟ ਅਤੇ ਦਖ਼ਲਅੰਦਾਜ਼ੀ ਕਰਨ ਵਾਲੇ ਗੁਆਂਢੀਆਂ ਦੇ ਜਾਲ ਵਿੱਚ ਫਸ ਜਾਂਦਾ ਹੈ। ਫਿਲਮ ਵਿੱਚ ਮਾਧੁਰੀ ਦੀਕਸ਼ਿਤ 'ਰੇਖਾ' ਦਾ ਕਿਰਦਾਰ ਨਿਭਾ ਰਹੀ ਹੈ। ਉਥੇ ਹੀ ਤ੍ਰਿਪਤੀ ਡਿਮਰੀ ਅਤੇ ਧਾਰਨਾ ਦੂਰਗਾ ਨੇ ਉਨ੍ਹਾਂ ਦੀਆਂ ਧੀਆਂ ਦਾ ਕਿਰਦਾਰ ਨਿਭਾਇਆ ਹੈ। ਫਿਲਮ ਵਿੱਚ ਰਵੀ ਕਿਸ਼ਨ ਵੀ ਇੱਕ ਅਹਿਮ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਇਨ੍ਹਾਂ ਤੋਂ ਇਲਾਵਾ ਗੀਤਾਂਜਲੀ ਕੁਲਕਰਨੀ, ਅਰੁਣੋਦਯ ਸਿੰਘ ਅਤੇ ਸ਼ਾਰਦੁਲ ਭਾਰਦਵਾਜ ਵਰਗੇ ਕਲਾਕਾਰ ਵੀ ਫਿਲਮ ਦਾ ਹਿੱਸਾ ਹਨ। ਇਸ ਫਿਲਮ ਦੀ ਕਹਾਣੀ ਸੁਰੇਸ਼ ਤ੍ਰਿਵੇਣੀ ਅਤੇ ਪੂਜਾ ਤੋਲਾਨੀ ਦੁਆਰਾ ਲਿਖੀ ਗਈ ਹੈ। ਫਿਲਮ ਦਾ ਨਿਰਮਾਣ ਵਿਕਰਮ ਮਲਹੋਤਰਾ ਅਤੇ ਸੁਰੇਸ਼ ਤ੍ਰਿਵੇਣੀ ਦੁਆਰਾ ਅਬੰਡੈਂਸ਼ੀਆ ਐਂਟਰਟੇਨਮੈਂਟ ਦੇ ਸਹਿਯੋਗ ਨਾਲ ਕੀਤਾ ਗਿਆ ਹੈ।