ਭਾਰਤੀ ਸਨਾਤਨ ਸੰਸਕ੍ਰਿਤੀ ਸੰਪਰਕ ਯਾਤਰਾ ਦੌਰਾਨ ਹਵਨ ਯੱਗ ਕਰਵਾਇਆ ਗਿਆ

ਸੁਨਾਮ (ਰਮੇਸ਼ ਗਰਗ) : ਸਥਾਨਕ ਮਾਇਆ ਗਾਰਡਨ ਵਿੱਚ ਸਿ਼ਵ ਮੰਦਰ ਵਿਖੇ ਸਨਾਤਨ ਅਤੇ ਭਾਰਤੀ ਸੰਸਕ੍ਰਿਤੀ ਨੁੰ ਮਜਬੂਤ ਕਰਨ ਲਈ ਹਵਨ ਯੱਗ ਦਾ ਆਯੋਜਨ ਕੀਤਾ ਗਿਆ ਇਹ ਹਵਨ ਲੱਗਭਗ ਤਿੰਨ ਘੰਟੇ ਤੱਕ ਹੋਇਆ। ਇਹ ਹਵਨ ਯੱਗ ਅਮਰੀਕਨ ਹਿੰਦੂ ਐਸੋਸੀਏਸ਼ਨ ਦੇ ਸੰਸਥਾਪਕ ਸੰਤ ਬਾਬਾ ਅਨੱਲ ਜੀ ਵੱਲੋਂ ਆਤਮ ਜਾਗਰਤੀ ਤੋਂ ਹਿੰਦੂ ਰਾਸ਼ਟਰ ਨਿਰਮਾਣ ਤੱਕ ਸਨਾਤਨ ਸੰਪਰਕ ਯਾਤਰਾ ਤਹਿਤ ਕੀਤਾ ਗਿਆ। ਸੰਤ ਬਾਬਾ ਅਨੱਲ ਜੀ ਜੋ ਮੂਲ ਰੂਪ ਵਿੱਚ ਮਧੂਵਨੀ ਬਿਹਾਰ  ਤੋਂ ਹਨ ਅਤੇ ਪਿਛਲੇ 30 ਸਾਲਾਂ ਤੋਂ ਅਮਰੀਕਾ ਵਿੱਚ ਸਨਾਤਨ ਤੇ ਭਾਰਤੀ ਸੰਸਕ੍ਰਿਤੀ ਦਾ ਪ੍ਰਚਾਰ ਕਰ ਰਹੇ ਹਨ ਇੱਥੇ ਜਤਿੰਦਰ ਸ਼ਰਮਾ ਦੇ ਘਰ ਇੱਕ ਮੁਲਾਕਾਤ ਵਿੱਚ ਦੱਸਿਆ ਕਿ ਉਨ੍ਹਾਂ ਦਾ ਮੁੱਖ ਉਦੇਸ਼ ਮੁੱਖ ਤੌਰ ਤੇ ਦੇਸ਼, ਧਰਮ ਤੇ ਸੰਸਕ੍ਰਿਤੀ ਨੂੰ ਪ੍ਰਫੁੱਲਤ ਕਰਨਾ ਹੈ। ਉਹ ਭਾਰਤ ਵਿੱਚ ਲੱਗਭਗ 6 ਮਹੀਨੇ ਰਹਿ ਕੇ ਵੱਖ ਵੱਖ ਜਿਲ੍ਹਿਆਂ ਵਿੱਚ ਹਵਨ ਯੱਗ ਕਰਕੇ ਲੋਕਾਂ ਨੂੰ ਧਰਮ ਤੇ ਸੰਸਕ੍ਰਿਤੀ ਨਾਲ ਜੋੜਨ ਦੀ ਕੋਸ਼ਿਸ਼ ਕਰ ਰਹੇ ਹਨ।

ਉਨ੍ਹਾਂ ਕਿਹਾ ਕੇ ਭਾਰਤ ਵਿੱਚ ਲੱਗਭਗ  800  ਜਿਲ੍ਹੇ ਹਨ ਤੇ ਉਨ੍ਹਾਂ ਦੀ ਕੋਸ਼ਿਸ਼ ਹੈ ਕੇ ਉਹ ਹਰ ਜਿਲ੍ਹੇ ਦੇ ਕਿਸੇ ਨਾ ਕਿਸੇ ਸ਼ਹਿਰ, ਕਸਬੇ ਜਾਂ ਪਿੰਡ ਵਿੱਚ ਹਵਨ ਯੱਗ ਕਰਕੇ ਲੋਕਾਂ ਨੂੰ ਧਰਮ ਨਾਲ ਜੋੜਣ। ਉਨ੍ਹਾਂ ਨੇ ਇਸ ਤੋਂ ਪਹਿਲਾਂ  111 ਯੱਗ ਕੀਤੇ ਹਨ ਤੇ ਯੂ, ਪੀ ਦੇ ਸਾਰੇ  75  ਜਿਲ੍ਹਿਆਂ ਵਿੱਚ  104  ਹਵਨ ਯੱਗ ਕੀਤੇ ਹਨ ਹੁਣ ਉਹ ਪੰਜਾਬ ਵਿੱਚ ਹਨ ਤੇ ਇੱਥੇ  18  ਜਨਵਰੀ ਤੋਂ ਫਤਿਗੜ੍ਹ ਸਾਹਿਬ ਤੋਂ ਹਵਨ ਯੱਗ ਤੇ ਸੁਖਮਣੀ ਸਾਹਿਬ ਜੀ ਦੇ ਪਾਠ ਕਰਕੇ ਸੁ਼ਰੂਆਤ ਕੀਤੀ ਹੈ ਤੇ ਸਾਰੇ ਜਿਲ੍ਹਿਅਆਂ ਵਿੱਚ ਹਵਨ ਕਰਕੇ ਅਖੀਰ ਵਿੱਚ  16  ਫਰਵਰੀ ਨੂੰ ਸ੍ਰੀ ਅਮਰਿਤਸਰ ਸਾਹਿਬ  ਵਿੱਚ ਸਮਾਪਤੀ ਕੀਤੀ ਜਾਵੇਗੀ।

ਉਨ੍ਹਾਂ ਕਿਹਾ ਕੇ ਉਹ ਹਵਨ ਤੇ ਮੰਤਰਾਂ ਨਾਲ ਧਾਰਮਿਕ ਪ੍ਰਚਾਰ ਦੇ ਨਾਲ ਨਾਲ ਗੰਧਲੇ ਹੋਏ ਵਾਤਾਵਰਨ ਨੂੰ ਸੁ਼ੱਧ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਉਨ੍ਹਾਂ ਦਾ ਮੁੱਖ ਮਕਸਦ ਲੋਕਾਂ ਨੂੰ ਸਨਾਤਨ ਧਰਮ  ਤੇ ਭਾਰਤੀ ਸੰਸਕ੍ਰਿਤੀ ਨਾਲ ਜੋੜ ਕੇ ਆਪਸੀ ਪਿਆਰ ਵਧਾਉਣ ਤੇ ਭਾਈਚਾਰਾ ਮਜਬੂਤ ਕਰਨ ਲਈ ਕੰਮ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕੇ ਦੇਸ਼ ਤਾਂ ਬਚੇਗਾ ਜੇ ਧਰਮ ਬਚੇਗਾ ਅਤੇ ਧਰਮ ਤਾਂ ਬਚੇਗਾ ਜੇ ਸੰਸਕ੍ਰਿਤੀ ਬਚੇਗੀ ਇਸ ਲਈ ਸੰਸਕ੍ਰਿਤੀ ਨੂੰ ਬਚਾਉਣਾ ਅਤੀ ਜਰੂਰੀ ਹੈ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕੇ ਉਹ  ਊਚ ਨੀਚ ਤੇ ਜਾਤੀਵਾਦ ਦੇ ਝਮੇਲਿਆਂ ਚੋ ਬਾਹਰ ਨਿਕਲ ਕੇ ਭਾਰਤੀ ਸੰਸਕ੍ਰਿਤੀ ਨੂੰ ਮਜਬੂਤ ਕਰਨ ਇਸ ਨਾਲ ਦੇਸ਼ ਮਜਬੂਤ ਹੋਵੇਗਾ ਤੇ ਅਸੀਂ ਮਜਬੂਤ ਹੋਵਾਂਗੇ। ਇਸ ਮੌਕੇ ਤੇ ਜਤਿੰਦਰ ਸ਼ਰਮਾ, ਮਦਨ ਲਾਲ ਕਾਂਸਲ, ਕ੍ਰਿਸ਼ਨ ਸੰਦੋਹਾ ਤੇ ਗੁਰਦੀਪ ਸਿੰਘ ਹਾਜਰ ਸਨ। ਮੰਦਰ ਵਿੱਖੇ ਹੋਏ ਹਵਨ ਯੱਗ ਵਿੱਚ ਮਾਇਆ ਗਾਰਡਨ ਨਿਵਾਸੀ ਭੈਣਾਂ ਭਰਾਵਾਂ ਨੇ ਭਾਰੀ ਗਿਣਤੀ ਵਿੱਚ ਭਾਗ ਲਿਆ।