ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਨੇ ਐਤਵਾਰ ਨੂੰ 'ਬਿੱਗ ਬੌਸ 20' ਦੇ ਕੰਟੇਸਟੇਂਟ ਦਾ ਘਰ ਵਿੱਚ ਸਵਾਗਤ ਕੀਤਾ । ਅਦਾਕਾਰਾ ਈਸ਼ਾ ਰਿਖੀ ਨਾਲ ਗੱਲਬਾਤ ਦੌਰਾਨ ਉਨ੍ਹਾ ਨੇ ਉਸ ਨੂੰ ਸਲਾਹ ਦਿੱਤੀ ਕਿ ਉਹ ਆਪਣੇ ਅਤੀਤ ਨੂੰ ਪਿੱਛੇ ਛੱਡ ਦੇਣ ਅਤੇ 'ਬਿੱਗ ਬੌਸ' ਹਾਊਸ ਦੇ ਅੰਦਰ ਆਪਣੇ ਐਕਸ-ਪਤੀ, ਸਿੰਗਰ ਅਤੇ ਰੈਪਰ ਬਾਦਸ਼ਾਹ ਦਾ ਜ਼ਿਕਰ ਨਾ ਕਰੇ । ਸਲਮਾਨ ਨੇ ਈਸ਼ਾ ਨੂੰ ਕਿਹਾ ਕਿ 'ਦੁਖੀ ਨਾ ਹੋਵੋ' ਬ੍ਰੇਅਕਪ ਕਿਸ ਦੇ ਨਹੀਂ ਹੁੰਦੇ ? ਮੇਰੇ ਹੀ ਮਾਮਲੇ ਨੂੰ ਦੇਖ ਲਓ ।
ਸਲਮਾਨ ਨੇ ਅੱਗੇ ਕਿਹਾ ਕਿ 'ਕਿਸੇ ਨੂੰ ਵੀ ਤੁਹਾਨੂੰ ਦੁਖ ਪਹੁੰਚਾਉਣ ਦਾ ਸਿਹਰਾ ਨਹੀਂ ਮਿਲਣਾ ਚਾਹੀਦਾ । ਸਾਹਮਣੇ ਵਾਲਾ ਵਿਅਕਤੀ ਬਹੁਤ ਪਹਿਲਾ ਹੀ ਅੱਗੇ ਵਧ ਚੁੱਕਿਆ ਹੈ । ਸਲਮਾਨ ਨੇ ਈਸ਼ਾ ਨੂੰ ਕਿਹਾ ਕਿ ਉਹ ਘਰ ਦੇ ਅੰਦਰ ਇਸ ਮੁੱਦੇ ਨੂੰ ਨਾ ਚੁੱਕੇ ਅਤੇ ਨਾ ਹੀ ਬਾਦਸ਼ਾਹ ਦਾ ਜ਼ਿਕਰ ਕਰੇ । ਸਲਮਾਨ ਨੇ ਕਿਹਾ ਕਿ 'ਬਿੱਗ ਬੌਸ' ਵਿੱਚ ਈਸ਼ਾ ਰਿਖੀ ਨੂੰ ਦੇਖਣਾ ਚਾਹੁੰਦਾ ਹਾਂ, ਨਾ ਕਿ ਬਾਦਸ਼ਾਹ ਦੀ ਐਕਸ- ਪਤਨੀ ਨੂੰ ।' ਈਸ਼ਾ ਨੇ ਵੀ ਆਪਣੀ ਅਲੱਗ ਪਛਾਣ ਬਣਾਉਣ ਅਤੇ ਲੋਕਾਂ ਨੂੰ ਉਹ ਦੱਸਣ ਦੀ ਇੱਛਾ ਜਤਾਈ ਕਿ ਉਹ ਅਸਲ ਵਿੱਚ ਕੌਣ ਹੈ, ਨਾ ਕਿ ਸਿਰਫ ਆਪਣੇ ਪੁਰਾਣੇ ਰਿਸ਼ਤੇ ਦੇ ਕਾਰਨ ਜਾਣੀ ਜਾਵੇ । ਜੋ ਲੋਕ ਨਹੀਂ ਜਾਣਦੇ, ਉਨ੍ਹਾਂ ਨੂੰ ਦੱਸ ਦਈਏ ਕਿ ਈਸ਼ਾ ਅਤੇ ਬਾਦਸ਼ਾਹ ਨੇ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ 'ਤੇ ਇਕ ਜੁਆਇੰਟ ਪੋਸਟ ਦੇ ਰਾਹੀ ਆਪਣੇ ਅਲੱਗ ਹੋਣ ਦਾ ਐਲਾਨ ਕੀਤਾ ਸੀ ।
ਦੋਵਾਂ ਨੇ ਆਪਣੇ-ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਇਕ ਬਿਆਨ ਜਾਰੀ ਕੀਤਾ, ਜਿਸ ਵਿੱਚ ਲਿਖਿਆ ਸੀ - ' ਮੈਂ ਅਤੇ ਈਸ਼ਾ ਰਿਖੀ ਨੇ ਆਪਣੀ ਸਹਿਮਤੀ ਨਾਲ ਅਗੱਲ ਹੋਣ ਅਤੇ ਆਪਣੇ ਰਾਹ 'ਤੇ ਅੱਗੇ ਵਧਣ ਦਾ ਫੈਸਲਾ ਕੀਤਾ ਹੈ । ਇਹ ਫੈਸਲਾ ਆਪਸੀ ਸਮਝੌਤੇ ਨਾਲ ਲਿਆ ਗਿਆ ਹੈ ਅਤੇ ਅਸੀਂ ਸਾਰਿਆ ਨੂੰ ਬੇਨਤੀ ਕਰਦੇ ਹਾਂ ਕਿ ਇਸ ਸਮੇਂ ਸਾਡੀ ਪ੍ਰਾਈਵੇਸੀ ਦਾ ਸਨਮਾਨ ਕਰੇ । ਈਸ਼ਾ ਅਤੇ ਬਾਦਸ਼ਾਹ ਨੇ ਕਥਿਤ ਤੌਰ 'ਤੇ ਲਗਭਗ ਚਾਰ ਸਾਲ ਤਕ ਰਿਲੈਸ਼ਨਸ਼ਿੰਪ ਵਿੱਚ ਰਹਿਣ ਦੇ ਬਾਅਦ ਮਾਰਚ 2026 ਵਿੱਚ ਇਕ ਨਿਜੀ ਪ੍ਰੋਗਰਾਮ ਵਿੱਚ ਵਿਆਹ ਕੀਤਾ ਸੀ ।
ਬਿੱਗ ਬੌਸ 20 ਦੇ ਘਰ ਵਿੱਚ ਇੱਕ ਪ੍ਰਤੀਯੋਗੀ ਵਜੋਂ ਪ੍ਰਵੇਸ਼ ਕਰਨ ਤੋਂ ਪਹਿਲਾਂ, ਈਸ਼ਾ ਨੇ ਇੱਕ ਇੰਸਟਾਗ੍ਰਾਮ ਸਟੋਰੀ ਸਾਂਝੀ ਕੀਤੀ ਸੀ, ਜਿਸ ਵਿੱਚ ਕਿਹਾ ਗਿਆ ਸੀ, "ਮੇਰੇ ਵਿਆਹ ਬਾਰੇ ਬਹੁਤ ਸਾਰੀਆਂ ਅਫਵਾਹਾਂ ਫੈਲ ਰਹੀਆਂ ਹਨ। ਕੁਝ ਹਿੱਸਿਆਂ ਤੋਂ ਆ ਰਹੀਆਂ ਖ਼ਬਰਾਂ ਸੁਣਨਾ ਅਤੇ ਪੜ੍ਹਨਾ ਹੈਰਾਨ ਕਰਨ ਵਾਲਾ ਹੈ। ਮੈਂ ਮੀਡੀਆ ਦੇ ਕੁਝ ਹਿੱਸਿਆਂ ਨੂੰ ਬੇਨਤੀ ਕਰਦੀ ਹਾਂ ਕਿ ਉਹ ਮੇਰੇ ਵਿਆਹ ਜਾਂ ਵੱਖ ਹੋਣ ਬਾਰੇ ਕੋਈ ਵੀ ਅਫਵਾਹ ਨਾ ਫੈਲਾਉਣ। ਮੈਂ ਆਮ ਲੋਕਾਂ ਨੂੰ ਵੀ ਬੇਨਤੀ ਕਰਦੀ ਹਾਂ ਕਿ ਉਹ ਜੋ ਵੀ ਪੜ੍ਹਦੇ ਜਾਂ ਸੁਣਦੇ ਹਨ, ਉਸ 'ਤੇ ਵਿਸ਼ਵਾਸ ਨਾ ਕਰਨ ਜਦੋਂ ਤੱਕ ਕਿ ਇਹ ਜਾਣਕਾਰੀ ਸਿੱਧੇ ਮੇਰੇ ਜਾਂ ਮੇਰੇ ਅਧਿਕਾਰਤ ਸੋਸ਼ਲ ਮੀਡੀਆ ਹੈਂਡਲਾਂ ਤੋਂ ਨਾ ਆਵੇ। ਧੰਨਵਾਦ।"