ਮੁੰਬਈ : 'ਪਤੀ ਪਤਨੀ ਔਰ ਵੋਹ ਦੋ' ਦੇ ਨਿਰਮਾਤਾ, ਟੀ-ਸੀਰੀਜ਼ ਅਤੇ ਬੀਆਰ ਸਟੂਡੀਓਜ਼ ਨੇ ਹੁਣ ਇਸ ਬਹੁਤ ਹੀ ਉਡੀਕੀ ਜਾਣ ਵਾਲੀ ਕਾਮੇਡੀ ਮਨੋਰੰਜਨ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਹੈ। ਪਸੰਦੀਦਾ 'ਪਤੀਵਰਸ' ਦੀ ਮਸਤੀ ਨੂੰ ਦੁੱਗਣੀਆਂ ਉਲਝਣਾ ਅਤੇ ਤਿੰਨ ਗੁਣਾ ਕਾਮੇਡੀ ਨਾਲ ਵਾਪਸ ਲਿਆਉਂਦੇ ਹੋਏ, ਇਹ ਟ੍ਰੇਲਰ ਗਲਤਫਹਿਮੀਆਂ, ਬਦਕਿਸਮਤੀਆਂ ਅਤੇ ਹਾਸੋਹੀਣੇ ਪਲਾਂ ਦਾ ਇੱਕ ਰੋਲਰਕੋਸਟਰ ਹੈ। ਇਸ ਡਰਾਮੇ ਦੇ ਕੇਂਦਰ ਵਿੱਚ ਆਯੁਸ਼ਮਾਨ ਖੁਰਾਨਾ ਹਨ, ਜੋ ਪ੍ਰਜਾਪਤੀ ਪਾਂਡੇ ਦਾ ਕਿਰਦਾਰ ਨਿਭਾਅ ਰਹੇ ਹਨ।
ਪ੍ਰਜਾਪਤੀ ਪਾਂਡੇ ਇੱਕ ਸਧਾਰਨ ਜੰਗਲਾਤ ਅਧਿਕਾਰੀ ਹਨ, ਜਿਨ੍ਹਾਂ ਦੀ ਜ਼ਿੰਦਗੀ ਅਚਾਨਕ ਇੱਕ ਨੇਕ ਕੰਮ ਕਾਰਨ ਪੂਰੀ ਤਰ੍ਹਾਂ ਉਲਝ ਜਾਂਦੀ ਹੈ। ਇੱਕ ਮਹਿਲਾ ਦੋਸਤ ਦੀ ਮਦਦ ਕਰਨ ਦੀ ਕੋਸ਼ਿਸ਼ ਨਾਲ ਸ਼ੁਰੂ ਹੋਈ ਕਹਾਣੀ ਵੇਖਦੇ ਹੀ ਵੇਖਦੇ ਝੂਠ, ਸ਼ੱਕ, ਅਚਾਨਕ ਮੁਲਾਕਾਤਾਂ ਅਤੇ ਅਸੰਭਵ ਸਥਿਤੀਆਂ ਦੇ ਜਾਲ ਵਿੱਚ ਬਦਲ ਜਾਂਦੀ ਹੈ, ਜਿਸ ਵਿੱਚ ਪ੍ਰਜਾਪਤੀ ਫੱਸ ਜਾਂਦੇ ਹਨ। ਇੱਕ, ਦੋ ਨਹੀਂ, ਸਗੋਂ ਤਿੰਨ ਔਰਤਾਂ ਵਿਚਕਾਰ, ਜਿਨ੍ਹਾਂ ਦਾ ਕਿਰਦਾਰ ਸਾਰਾ ਅਲੀ ਖਾਨ, ਵਾਮਿਕਾ ਗੱਬੀ ਅਤੇ ਰਕੁਲ ਪ੍ਰੀਤ ਸਿੰਘ ਦੁਆਰਾ ਨਿਭਾਇਆ ਗਿਆ ਹੈ।
ਫਿਲਮ ਦੀ ਇਸ "ਵਾਈਲਡ" ਅਤੇ ਮਜ਼ੇਦਾਰ ਭਾਵਨਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਨਿਰਮਾਤਾਵਾਂ ਨੇ ਮੁੰਬਈ ਦੇ ਸੰਜੇ ਗਾਂਧੀ ਨੈਸ਼ਨਲ ਪਾਰਕ ਵਿੱਚ ਸਟਾਰ ਕਾਸਟ, ਨਿਰਦੇਸ਼ਕ, ਨਿਰਮਾਤਾਵਾਂ ਅਤੇ ਮੀਡੀਆ ਦੀ ਮੌਜੂਦਗੀ ਵਿੱਚ ਟ੍ਰੇਲਰ ਲਾਂਚ ਕੀਤਾ, ਜਿਸ ਨਾਲ ਇਹ ਇੱਕ ਯਾਦਗਾਰੀ ਅਤੇ ਆਪਣੀ ਤਰ੍ਹਾਂ ਦਾ ਵੱਖ ਲਾਂਚ ਬਣ ਗਿਆ। ਇਸ ਫਿਲਮ ਵਿੱਚ ਵਿਜੇ ਰਾਜ, ਤਿਗਮਾਂਸ਼ੂ ਧੂਲੀਆ, ਆਇਸ਼ਾ ਰਜ਼ਾ ਅਤੇ ਦੁਰਗੇਸ਼ ਕੁਮਾਰ ਵੀ ਹਨ। ਗੁਲਸ਼ਨ ਕੁਮਾਰ, ਬੀ.ਆਰ. ਚੋਪੜਾ, ਅਤੇ ਟੀ-ਸੀਰੀਜ਼ ਦੀ ਪੇਸ਼ਕਾਰੀ, ਟੀ-ਸੀਰੀਜ਼ ਫਿਲਮਜ਼ ਅਤੇ ਬੀ.ਆਰ. ਸਟੂਡੀਓਜ਼ ਦੁਆਰਾ ਪ੍ਰੋਡਕਸ਼ਨ, "ਪਤੀ ਪਤਨੀ ਔਰ ਵੋਹ ਦੋ" ਦਾ ਨਿਰਦੇਸ਼ਨ ਮੁਦੱਸਰ ਅਜ਼ੀਜ਼ ਨੇ ਕੀਤਾ ਹੈ ਅਤੇ ਭੂਸ਼ਣ ਕੁਮਾਰ, ਰੇਣੂ ਰਵੀ ਚੋਪੜਾ ਅਤੇ ਕ੍ਰਿਸ਼ਨ ਕੁਮਾਰ ਨੇ ਇਸ ਨੂੰ ਨਿਰਮਿਤ ਕੀਤਾ ਹੈ, ਜਦੋਂਕਿ ਜੂਨੋ ਚੋਪੜਾ ਇਸਦੇ ਕ੍ਰਿਏਟਿਵ ਨਿਰਮਾਤਾ ਹਨ। "ਪਤੀ ਪਤਨੀ ਔਰ ਵੋਹ ਦੋ" 15 ਮਈ, 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ।