ਕਾਠਮੰਡੂ : ਨੇਪਾਲ ਦੇ ਕਾਵੇਰਪਲਾਂਚੌਕ ਜ਼ਿਲ੍ਹੇ ਵਿੱਚ ਸ਼ੁੱਕਰਵਾਰ ਨੂੰ ਇੱਕ ਯਾਤਰੀ ਬੱਸ ਦੇ ਖੱਡ ਵਿੱਚ ਡਿੱਗਣ ਕਾਰਨ ਅੱਠ ਲੋਕਾਂ ਦੀ ਮੌਤ ਹੋ ਗਈ ਅਤੇ 16 ਹੋਰ ਜ਼ਖਮੀ ਹੋ ਗਏ।
ਪੁਲਸ ਨੇ ਦੱਸਿਆ ਕਿ ਬੱਸ ਬਨੇਪਾ ਤੋਂ ਰੋਸ਼ੀ ਪੇਂਡੂ ਨਗਰਪਾਲਿਕਾ ਦੇ ਸੁੰਗੂਰ ਜਾ ਰਹੀ ਸੀ ਜਦੋਂ ਕਾਠਮੰਡੂ ਤੋਂ ਲਗਭਗ 60 ਕਿਲੋਮੀਟਰ ਪੂਰਬ ਵਿੱਚ ਬਨੇਪਾ-ਬਰਦੀਬਾਸ (ਬੀਪੀ) ਹਾਈਵੇਅ ਦੇ ਨਾਲ ਬੁਚਾਕੋਟ ਨੇੜੇ ਸੈਲਫੀ ਪਹਾੜੀ 'ਤੇ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਬੱਸ ਪਹਾੜੀ ਸੜਕ ਤੋਂ 200 ਮੀਟਰ ਹੇਠਾਂ ਡਿੱਗਣ ਵੇਲੇ ਉਸ ਵਿੱਚ 24 ਲੋਕ ਸਵਾਰ ਸਨ। ਹਾਦਸੇ ਦਾ ਕਾਰਨ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਪੁਲਸ ਦੇ ਅਨੁਸਾਰ ਜ਼ਖਮੀ ਯਾਤਰੀਆਂ ਦਾ ਧੂਲੀਖੇਲ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਹੈ।