ਮੁੰਬਈ : ਬਾਲੀਵੁੱਡ ਦੀ 'ਫੈਸ਼ਨ ਕੁਈਨ' ਅਦਾਕਾਰਾ ਸੋਨਮ ਕਪੂਰ ਇਨੀਂ ਦਿਨੀਂ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਖੂਬਸੂਰਤ ਦੌਰ ਦਾ ਆਨੰਦ ਮਾਣ ਰਹੀ ਹੈ। ਹਾਲ ਹੀ ਵਿੱਚ ਦੂਜੀ ਵਾਰ ਮਾਂ ਬਣੀ ਸੋਨਮ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਨਵਜੰਮੇ ਪੁੱਤਰ ਨਾਲ ਇੱਕ ਬੇਹੱਦ ਪਿਆਰੀ ਤਸਵੀਰ ਸਾਂਝੀ ਕੀਤੀ ਹੈ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
'ਡਾਰਕ ਸਰਕਲਸ ਜ਼ਿੰਦਾਬਾਦ'
ਸੋਨਮ ਕਪੂਰ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀ 'ਤੇ ਇੱਕ ਤਸਵੀਰ ਪੋਸਟ ਕੀਤੀ ਹੈ, ਜਿਸ ਵਿੱਚ ਉਸਨੇ ਆਪਣੇ ਨਵਜੰਮੇ ਬੇਟੇ ਨੂੰ ਬੜੇ ਪਿਆਰ ਨਾਲ ਗੋਦੀ ਵਿੱਚ ਲਿਆ ਹੋਇਆ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਤਸਵੀਰ ਵਿੱਚ ਸੋਨਮ ਨੇ ਬਿਨਾਂ ਮੇਕਅੱਪ ਦੇ ਆਪਣੇ ਚਿਹਰੇ 'ਤੇ ਪਏ 'ਡਾਰਕ ਸਰਕਲਸ' (ਅੱਖਾਂ ਹੇਠਲੇ ਕਾਲੇ ਘੇਰੇ) ਨੂੰ ਲੁਕਾਉਣ ਦੀ ਬਜਾਏ ਮਾਣ ਨਾਲ ਦਿਖਾਇਆ ਹੈ। ਉਸਨੇ ਮਾਂ ਬਣਨ ਤੋਂ ਬਾਅਦ ਦੀ ਥਕਾਵਟ ਅਤੇ ਖੁਸ਼ੀ ਨੂੰ ਸਾਂਝਾ ਕਰਦਿਆਂ ਕੈਪਸ਼ਨ ਵਿੱਚ ਲਿਖਿਆ— "ਡਾਰਕ ਸਰਕਲਸ ਜ਼ਿੰਦਾਬਾਦ।"
29 ਮਾਰਚ ਨੂੰ ਦਿੱਤਾ ਸੀ ਬੇਟੇ ਨੂੰ ਜਨਮ
ਦੱਸ ਦੇਈਏ ਕਿ ਸੋਨਮ ਕਪੂਰ ਅਤੇ ਆਨੰਦ ਆਹੂਜਾ ਦੇ ਘਰ 29 ਮਾਰਚ 2026 ਨੂੰ ਦੂਜੇ ਪੁੱਤਰ ਦੀ ਕਿਲਕਾਰੀ ਗੂੰਜੀ ਸੀ। ਇਸ ਤੋਂ ਪਹਿਲਾਂ ਅਦਾਕਾਰਾ ਨੇ ਹਸਪਤਾਲ ਤੋਂ ਵੀ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਸਨ। ਸੋਨਮ ਨੇ ਆਪਣੀ ਖੁਸ਼ੀ ਜ਼ਾਹਰ ਕਰਦਿਆਂ ਲਿਖਿਆ ਸੀ ਕਿ ਉਹ ਇਸ ਨਵੀਂ ਜ਼ਿੰਦਗੀ ਲਈ ਰੱਬ ਦੀ ਬੇਹੱਦ ਸ਼ੁਕਰਗੁਜ਼ਾਰ ਹੈ। ਜ਼ਿਕਰਯੋਗ ਹੈ ਕਿ ਸੋਨਮ ਕਪੂਰ ਅਤੇ ਕਾਰੋਬਾਰੀ ਆਨੰਦ ਆਹੂਜਾ ਦਾ ਵਿਆਹ ਮਈ 2018 ਵਿੱਚ ਹੋਇਆ ਸੀ। ਉਨ੍ਹਾਂ ਦੇ ਪਹਿਲੇ ਬੇਟੇ ਵਾਯੂ ਦਾ ਜਨਮ ਅਗਸਤ 2022 ਵਿੱਚ ਹੋਇਆ ਸੀ ਅਤੇ ਹੁਣ ਇਹ ਜੋੜਾ 2 ਪੁੱਤਰਾਂ ਦੇ ਮਾਪੇ ਬਣ ਚੁੱਕਾ ਹੈ।