ਜ਼ਿਲ੍ਹਾ ਪੈਨਸ਼ਨਰ ਭਲਾਈ ਸੰਸਥਾ ਦੀ ਮਹੀਨਾਵਾਰ ਮੀਟਿੰਗ ਮੁਹਾਲੀ ਵਿਖੇ ਸ. ਸੁਖਦੀਪ ਸਿੰਘ ਨਿਆਂ ਸਹਿਰ ਦੀ ਪ੍ਰਧਾਨਗੀ ਹੇਠ ਹੋਈ

ਪ੍ਰੀਤ ਪੱਤੀ

ਮੋਹਾਲੀ - ਜ਼ਿਲ੍ਹਾ ਪੈਨਸ਼ਨਰ ਭਲਾਈ ਸੰਸਥਾ ਦੀ ਮਹੀਨਾਵਾਰ ਮੀਟਿੰਗ ਸਹੀਦ ਉਧਮ ਸਿੰਘ ਭਵਨ ਮੁਹਾਲੀ ਫੇਸ 3 A ਵਿਖੇ ਸ.ਸੁਖਦੀਪ ਸਿੰਘ ਨਿਆਂ ਸਹਿਰ ਦੀ ਪ੍ਰਧਾਨਗੀ ਹੇਠ ਹੋਈ । ਜਿਸ ਵਿੱਚ ਸ਼੍ਰੀ ਰਾਮ ਕਿਸਨ ਧੁਨਕੀਆ ਚੇਅਰਮੈਨ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ। ਧੁਨਕੀਆ ਜੀ ਨੇ ਸਰਕਾਰ ਵੱਲੋਂ ਪਿਛਲੇ 4 ਸਾਲਾਂ ਤੋਂ ਪੈਨਸ਼ਨਰਾਂ ਦੇ ਬਕਾਏ ਅਤੇ 2.59 ਗੁਣਾਕ ਦਾ ਲਾਭ ਨਾ ਦੇਣ ਦੀ ਨਿਖੇਧੀ ਕੀਤੀ । ਸੰਸਥਾ ਦੇ ਜਰਨਲ ਸਕੱਤਰ ਸ. ਰਣਜੀਤ ਸਿੰਘ ਹੰਸ ਨੇ ਸੰਸਥਾ ਦੇ ਸਾਥੀਆਂ ਨੂੰ ਸਰਕਾਰ ਦਾ ਪਿੱਟ ਸਿਆਪਾ ਕਰਨ ਲਈ ਤਿਆਰ ਰਹਿਣ ਲਈ ਕਿਹਾ। ਕੁਰਾਲੀ ਯੁਨਿਟ ਦੇ ਪ੍ਰਧਾਨ ਸ. ਰਣਧੀਰ ਸਿੰਘ ਅਪਣੇ ਸਾਥੀਆਂ ਸਮੇਤ ਮੀਟਿੰਗ ਵਿੱਚ ਭਾਗ ਲਿਆ। ਵੱਡੀ ਗਿਣਤੀ ਵਿੱਚ ਇਕਠੇ ਹੋਏ ਪੈਨਸ਼ਨਰਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਲਾਈਫ ਸਰਟੀਫਿਕੇਟ ਤੇ LTC ਡੀਜਟਲੀ ਭਰਨ ਦੇ ਨਾਲ ਪਹਿਲਾਂ ਦੀ ਤਰ੍ਹਾਂ ਫਾਰਮ ਭਰ ਕੇ ਦੇਣ ਦੀ ਸੁਵਿਧਾ ਵੀ ਜਾਰੀ ਰੱਖੀ ਜਾਵੇ ਮੌਕੇ ਤੇ ਹਾਜ਼ਰ 10 ਤੋਂ ਵੱਧ ਪੈਨਸ਼ਨਰਾਂ ਦੇ LTC ਦੇ ਫ਼ਾਰਮ ਡਿਜਟਲੀ ਅਪਲਾਈ ਕੀਤੇ । ਪ੍ਰਧਾਨ ਸੁਖਦੀਪ ਸਿੰਘ ਨੇ ਮੈਂਬਰਾਂ ਅਤੇ ਅਹੁਦੇਦਾਰਾਂ ਦਾ ਧੰਨਵਾਦ ਕੀਤਾ।ਆਉਣ ਵਾਲੇ ਸਮੇਂ ਵਿੱਚ ਸੰਘਰਸ਼ ਲਈ ਤਿਆਰ ਰਹਿਣ ਲਈ ਕਿਹਾ। ਮੀਟਿੰਗ ਵਿੱਚ ਕੁਲਦੀਪ ਸਿੰਘ ਬਰਾੜ, ਸੁਰਿੰਦਰ ਕੌਰ,ਜਗਦੀਸ ਸਿੰਘ ਸੋਢੀ, ਗੁਰਕੀਰਤ ਕੌਰ, ਕੁਲਦੀਪ ਸਿੰਘ,ਬਲਵੀਰ ਸਿੰਘ ਗਿਲ ਤੇ ਗੁਲਜਾਰ ਸਿੰਘ ਗਰੇਵਾਲ ਹਾਜ਼ਰ ਸਨ।