ਜਨ ਹਿੱਤ ਵਿਕਾਸ ਮੰਚ ਖਰੜ ਦਾ 6 ਮੈਂਬਰੀ ਵਫਦ ਰਣਜੀਤ ਸਿੰਘ ਹੰਸ ਦੀ ਅਗਵਾਈ ਵਿੱਚ ਡੀ.ਐਸ.ਪੀ ਖਰੜ ਇਸ਼ਾਨ ਸਿੰਗਲਾ ਨੂੰ ਮਿਲਿਆ ਵਫਦ ਵਿੱਚ ਬਰਿਜ ਮੋਹਣ ਸ਼ਰਮਾ ਜਨਰਲ ਸਕੱਤਰ, ਜੁਗਿੰਦਰ ਸਿੰਘ ਸੀਨੀਅਰ ਵਾਈਸ ਪ੍ਰਧਾਨ , ਕਰਨੈਲ ਸਿੰਘ ਮਾਸਟਰ ਵਾਈਸ ਪ੍ਰਧਾਨ, ਰਜਿੰਦਰ ਸਿੰਘ ਸੋਹਲ ਹੈਡ ਕੈਸ਼ੀਅਰ , ਜਸਵੀਰ ਸਿੰਘ ਅਸਿਸਟੈਂਟ ਕੈਸ਼ੀਅਰ ਸ਼ਾਮਿਲ ਸਨ । ਵਫਦ ਨੇ ਉਹਨਾਂ ਦੇ ਧਿਆਨ ਵਿੱਚ ਲਿਆਂਦਾ ਕਿ ਸਾਰੇ ਖਰੜ ਦੀਆਂ ਸੜਕਾਂ ਤੇ ਦੁਕਾਨਦਾਰਾਂ ਨੇ ਕਬਜ਼ੇ ਕੀਤੇ ਹੋਏ ਹਨ ਆਮ ਜਨਤਾ ਲਈ ਸੜਕਾਂ ਤੇ ਚਲਣਾ ਵੀ ਮੁਹਾਲ ਹੋਇਆ ਪਿਆ ਹੈ। ਇਸੇ ਤਰਾਂ ਬਸ ਸਟੈਂਡ ਵਿੱਚ ਸਵਾਰੀਆਂ ਚੁੱਕਣ ਲਈ ਪ੍ਰਾਈਵੇਟ ਬੱਸਾਂ ਵਾਲੇ ਕਾਫੀ ਸਮਾਂ ਚੌਂਕ ਦੇ ਵਿਚਕਾਰ ਖਰੜ ਦੀ ਟਰੈਫਿਕ ਪੁਲਿਸ ਦੇ ਬਿਲਕੁਲ ਸਾਹਮਣੇ ਬੱਸਾਂ ਲਾ ਕੇ ਖੜੇ ਰਹਿੰਦੇ ਹਨ । ਜਿਸ ਕਾਰਨ ਟਰੈਫਿਕ ਜਾਮ ਲੱਗਾ ਰਹਿੰਦਾ ਹੈ । ਵਫਦ ਨੇ ਵਿਆਹ ਸ਼ਾਦੀਆਂ ਅਤੇ ਧਾਰਮਿਕ ਪ੍ਰੋਗਰਾਮਾਂ ਵਿੱਚ ਸਪੀਕਰ/ ਡੀ.ਜੇ 10 ਵਜੇ ਤੋਂ ਬਾਅਦ ਰਾਤ 12,1,2 ਵਜੇ ਤੱਕ ਲਾ ਕੇ ਰੱਖਣ ਸਬੰਧੀ ਵੀ ਉਹਨਾਂ ਦੇ ਧਿਆਨ ਵਿੱਚ ਲਿਆਂਦਾ ਕਿਹਾ ਕਿ ਆਮ ਜਨਤਾ ਦਾ ਸੋਣਾ ਮੁਸ਼ਕਲ ਹੋ ਜਾਂਦਾ ਹੈ ਅਤੇ ਬੱਚਿਆਂ ਦੀ ਪੜ੍ਹਾਈ ਦਾ ਵੀ ਨੁਕਸਾਨ ਹੁੰਦਾ ਹੈ । ਡੀ.ਐਸ.ਪੀ ਸਾਹਿਬ ਨੇ ਵਫਦ ਦੀ ਗੱਲ ਧਿਆਨ ਨਾਲ ਸੁਣ ਕੇ ਕਿਹਾ ਕਿ ਸੜਕਾਂ ਤੇ ਦੁਕਾਨਦਾਰਾਂ ਤੇ ਕਾਰਵਾਈ ਨਗਰ ਕੌਂਸਲ ਦੇ ਅਧਿਕਾਰੀਆਂ ਨੇ ਕਰਨੀ ਹੈ ਜਦੋਂ ਨਗਰ ਕੌਂਸਲ ਦੇ ਅਧਿਕਾਰੀ ਸਾਡੇ ਕੋਲੋਂ ਫੋਰਸ ਮੰਗਣਗੇ ਅਸੀਂ ਪੁਲਿਸ ਦੀ ਸਹਾਇਤਾ ਜਰੂਰ ਦੇਵਾਂਗੇ । ਬਸ ਸਟੈਂਡ ਬੱਸਾਂ ਖੜਨ ਵਾਲੀ ਜਗਾ ਤੇ ਮੰਚ ਦੀ ਮੰਗ ਅਨੁਸਾਰ ਸਵੇਰੇ 7 ਵਜੇ ਤੋਂ ਸ਼ਾਮ ਸਾਢੇ 8 ਵਜੇ ਤੱਕ ਟਰੈਫਿਕ ਮੁਲਾਜ਼ਮ ਤੈਨਾਤ ਕਰਨ ਲਈ ਉਨਾਂ ਸਹਿਮਤੀ ਦਿੱਤੀ। ਗਲੀਆਂ ਪਾਰਕਾਂ ਵਿੱਚ ਰਾਤ 10 ਵਜੇ ਤੋਂ ਬਾਅਦ ਡੀ.ਜੇ ਵਜਾਉਣ ਤੇ ਰੋਕਥਾਮ ਲਾਉਣ ਦਾ ਵੀ ਉਹਨਾਂ ਵਿਸ਼ਵਾਸ ਦਿੱਤਾ ਉਹਨਾਂ ਸੰਸਥਾ ਨੂੰ ਹਰ ਸੁਧਾਰਵਾਦੀ ਕੰਮ ਤੇ ਸਹਿਯੋਗ ਦੇਣ ਦਾ ਵਿਸ਼ਵਾਸ ਦਿੱਤਾ ਸੰਸਥਾ ਦੀ ਲੀਡਰਸ਼ਿਪ ਨੇ ਵੀ ਉਹਨਾਂ ਨੂੰ ਵਿਸ਼ਵਾਸ ਦਿੱਤਾ ਕਿ ਅਸੀਂ ਸਮਾਜਿਕ ਕੁਰੀਤੀਆਂ ਮਾੜੇ ਅੰਸਰਾਂ ਖਿਲਾਫ ਪੁਲਿਸ ਦੀ ਹਰ ਸਮੇਂ ਸਹਾਇਤਾ ਕਰਾਂਗੇ ।